O Peque Coro


Este é o blogue para @s pequecoristas, @s amig@s e familiares dos pequecoristas, para tódol@s interesad@s no canto coral infantil e para @s alumn@s de Linguaxe Musical do noso conservatorio.

O Peque Coro somos nenos e nenas de Grao Elemental e Profesional do Conservatorio de Música "Xan Viaño" de Ferrol. Tódalas semanas ensaiamos xunto con profesoras do noso conservatorio. Ó piano acompáñanos a delicadeza da nosa pianista, Alexandra Pita e a dirección está nas mans de quen escribe neste blogue: a ilusionada directora, Catuxa Pita.

martes, 17 de abril de 2018

Ensaio extraordinario: sábado 21 de Abril

Querid@s pequecoristas in crescendo: aínda temos que facer un esforzo maior para a nosa participación na Mostra do Eixo Atlántico. Polo que temos que quedades convocados a un ensaio extraordinario de 10.00 a 18.00 este sábado 21 de Abril.


domingo, 8 de abril de 2018

Prazo de preinscripción no Ecocampamento Coral


Comeza mañá, luns 9 de Abril, o prazo de preinscripción no Ecocampamento Coral. 

Un campamento no que os pequecoristas adicaremos tódalas mañás ao canto coral. Polas tardes, teredes que atender aos animais da granxa, aos cultivos do orto, á apicultura ademáis de realizar os talleres de pan, de astronomía, de cultura castreña. Unha semana con moita diversión e traballo nun entorno marabilloso.

Se queredes ver as instalacións de Aldea Nova, clicade a continuación: Web de Aldea Nova.

miércoles, 4 de abril de 2018

Ensaio extraordinario

Queridísim@s pequecoristas in crescendo: para preparar a nosa participación na Mostra Musical de Eixo Atlántico é necesario redobrar esforzos.

Este sábado ensaiaremos de 10.00 a 14.00.

Xa falta menos! 

jueves, 1 de febrero de 2018

Concerto pola Día da Paz

Un ano máis o Departamento de Convivencia do noso Cmus organizou durante toda esta semana concertos adicados á Paz. Mañá tócanos a nós.

O Peque Coro ofrecerá un concerto moi emotivo no que tódolos pequecoristas cantarán harmonías marabillosas soñando cun mundo no que todos poidamos vivir en harmonía.

Agardámosvos mañá ás 19.00 no Auditorio José Arriola do Cmus Xan Viaño.



martes, 23 de enero de 2018

O Peque Coro descubrindo o Pergamiño Vindel


Peque Coro in crescendo: 2º Premio Vindevídeos





2º premio en Vindevídeos

Co gallo da estadía do Pergamiño Vindel no Museo do Mar en Vigo, a secretaría xeral de Política Lingüística convocaba un concurso de vídeos para difundir o valor da lírica trobadoresca.

Por cumprir cos requisitos, participamos só os pequecoristas máis veteranos, O Peque Coro in crescendo.

Embarcámonos neste proxecto con moita ilusión e esforzo: arranxos musicais para crear a nosa versión das "Ondas do mar de Vigo", guión para o desenrolo da narración, texto para o narrador...plan de rodaxe, vestiario

Primeiro foi a rodaxe da nosa visión do descubrimento do pergamiño. A biblioteca do noso cmus convírtese no esceario dese descubrimento feito por Pedro Vindel (encarnado por Omar Calderón, o noso querido pequecorista e gaiteiro). Focos e cámaras manexadas por Suso Iglesias (profesor de Acordeón e coordinador das TIC's). 

Chega o día da gravación do Peque Coro: no noso auditorio Suso prepara todo o equipo técnico. Gravamos as dúas versións da cantiga: unha intentando rememorar a sonoridade medieval cunha nota pedal sostida polos mozos e a outra con novas harmonías chea de disonancias na que o piano cobra moito protagonismo.

Nesa mesma mañá paseamos ata a praia de Caranza para preparar os vídeos. Por fin podemos vestirnos cos traxes que confeccionaron con tanto agarimo e horas de adicación Carmela, Gabriela, Mar e Chacho. Só aqueles que nos enfundamos os traxes sabemos a sensación que vivimos.

A praia de Caranza, a pequena ermida próxima a ela, os asteleiros quedan para sempre no noso vídeo ó que tanto tempo adicou Suso na súa montaxe.

A experiencia foi marabillosa e onte chegaba a recompensa ao traballo en equipo: 2º premio na nosa categoría.

Parabéns para todos e cada un dos pequecoristas, para Omar Calderón, para Suso Iglesias, para a Asociación Sociocultural Peque Coro, que, ademáis da súa inmensa axuda,  nos da alento en tódolos nosos proxectos. 




domingo, 21 de enero de 2018

Taller Coral con Elena Rosso



Que dis? Que aínda non te apuntaches ao Taller Coral con Elena Rosso? Pois corre!...