O Peque Coro


Este é o blog para @s pequecoristas, @s amig@s e familiares dos pequecoristas, para tódol@s interesad@s no canto coral infantil e para @s alumn@s de Linguaxe Musical do noso conservatorio.

O Peque Coro somos nenos e nenas de Grao Elemental do Conservatorio de Música "Xan Viaño" de Ferrol. Tódalas semanas ensaiamos xunto con profesoras do noso conservatorio. Ó piano acompáñanos a delicadeza da nosa pianista, Alexandra Pita e a dirección está nas mans de quen escribe neste blog: a ilusionada directora, Catuxa Pita.

martes, 31 de diciembre de 2013

O Peque Coro no Concerto a favor da Cociña Económica


Despedimos este ano 2013 cos vídeos do noso último concerto deste ano no concerto solidario a favor da Cociña Económica de Ferrol

No 2013 conmemorouse o 150 aniversario da publicación de Cantares Gallegos de Rosalía de Castro. O Peque Coro cantou en distintos concertos á nosa poetisa máis internacional: as datas máis especias foron as Letras Galegas ou o concerto en San Domingos de Bonaval xunto a outr@s 400 nen@s.  

Rosalía escribía en Follas Novas

Polas silveiras errante vexo unha meniña orfa
que triste vai marmurando: "Na Virxe, quen rosa fora!"
"Por que ques ser rosa, nena?" Eu preguntei cariñosa
i ela contesta sorrindo: "porque non ten fame as rosas"

Estes versos están presentes en En Cornes do compositor Octavio Vázquez.



Duerme negrito é unha obra nova no noso repertorio...Todo un reto este canto de berce adaptado por David Azurza!

Que o 2013 se leva a fame, e tódalas tristuras...


...e o 2014 chegue cargado de soños e alegrías 
para tódol@s pequecoristas!


domingo, 22 de diciembre de 2013

Recoméndoche...Concerto Solidario en San Xiao


Esta tarde na concatedral de San Xiao celebrarase o II Concerto Solidario no que poderás escoitar ó Coro de Nenos da Sinfónica de Galicia, ademáis do Coro Xove da Sinfónica.

Será unha boa ocasión para escoitar outros coros de nenos, verdade?

Vémonos esta tarde ás 20:30 na concatedral de San Xiao de Ferrol.



sábado, 21 de diciembre de 2013

Fantástica estrea!



Pequecoristas de 1º GE
Despois dunha larga espera, o Peque Coro por fin volvía a aparecer no esceario do conservatorio. Para @s nov@s pequecoristas foi un día especial. Viviron as emocións previas do concerto...e as máis marabillosas: a experiencia de cantar ante un público tan entregado que aplaudía con entusiasmo dende a primeira obra, En Cornes.

Pequecoristas de 2º GE
Fantástica concentración de tódol@s pequecoristas...que ademáis se entregaron na difícil interpretación de Duerme negrito. 

Pequecoristas de 3º GE

O público amosouse entusiasmado e reclamaba:"outra!...outra!". Agradecemos o seu calor, pero non podíamos ofrecer máis. O Peque Coro segue medrando, medrando...e medrando. Por iso, precisamos un pouco de tempo para que as novas voces aprendan o repertorio doutros anos. 


Pequecoristas de 4º GE
Están traballando moi ben en cada ensaio. De seguro que disfrutáchedes con Duerme negrito, verdade?. Pois é unha moi obra complexa que precisou moita adicación. Algúns seguidores saben que temos repertorio novo preparado para o próximo concerto...pero cada obra ten o seu momento. 


Pequecoristas de 1º GP
O vindeiro 2014 o Peque Coro continuará agasallando momentos divertidos, momentos emotivos co precioso son das voces dos seus pequecoristas.
 
BRAVO, PEQUECORISTAS!

jueves, 19 de diciembre de 2013

De novo, o Peque Coro en concerto


Señoras e señores...nenos e nenas...non poden perderse a estrea do Peque Coro neste curso. Por fin @s pequecoristas volven ó esceario!. Nesta ocasión para colaborar nun concerto solidario a favor da Cociña Económica, co fin de que o público asistente doe alimentos para esta fundación ferrolana.

O Peque Coro participará no segundo concerto organizado polo Departamento de Convivencia este venres ás 19:30.

Agardamos a súa presenza no auditorio José Arriola do noso conservatorio. o Cmus Xan Viaño de Ferrol.


lunes, 2 de diciembre de 2013

Recoméndoche "La Callas: una invitación á la ópera"



Hoxe recórdase a unha das mellores cantantes do século XX,  a soprano de orixe grega Ana María Cecilia Sofía Kalogeropoúlou (en grego Άννα Μαρία Καικιλία Σοφία Καλογεροπούλου) (Nova Iorque, 2 de decembro de 1923 – París, 16 de setembro de 1977), coñecida como Maria Callas.


Unha boa maneira de coñecer a súa vida e as súas interpretacións é co libro-CD "La Callas. una invitación a la ópera" da editorial Kókinos.


Poñerémonos na pel da gran soprano...As luces da sala apáganse, faise o silencio. Cun xesto do director da orquestra, os músicos comezan o preludio. Por fin, álzase el telón e a Callas sae a escea. A súa voz elévase, un escalofrío recorre ó público…

E para que disfrutedes escoitando a Maria Callas, mirade este vídeo:


sábado, 30 de noviembre de 2013

Recoméndoche...Contos do mundo


Queres pasar unha tarde-musical coa túa familia? Pois mañá, no Pazo de Cultura de Narón poderás escoitar un conto de tradición oral armenia con Música de Aram Khachaturian (1903-1978), Komidas(1869-1935) e Ara Malikian (1968), interpretado polo Ara Malikian Ensemble

En todos os lugares do mundo hai cousas que lle pasan aos humanos, son cousas cotiás e marabillosas á vez. Son historias que, se as miramos cun microscopio, son xigantes e exemplares para os demais. Disto trata a historia, é un conto que pode suceder en calquera lugar do mundo, neste caso é Armenia. Un país onde as pedras rebentan pedras e as primeiras palabras das persoas cobraron son. Un lugar antigo e sabio. Onde o máis importante a diario é buscar a felicidade aínda que non se teña nada.

A cita é mañá ás 18:00 no Pazo da Cultura, Narón. Se precisas máis información, clica a continuación: Contos do Mundo

Como anticipo do que podemos disfrutar mañá, déixovos o seguinte vídeo:

domingo, 3 de noviembre de 2013

Durme, negriño


Chegou ós nosos ensaios a tenrura e á vez unha faísca de ledicia (chicabum, chicabum...) coa harmonización de David Azurza de Duerme negrito. Trátase dunha obra tradicional que moitas xeracións cantaron e seguirán cantando ós seus pequenos en Sudamérica. Varios cantautores teñen versións deste canto de berce coma Víctor Jara, Mercedes Sosa ou Atahualpa Yupanqui que fixeron célebre en España o Duerme negrito.

A dozura da melodía constrasta moito coa dureza dunha nai que ten que loitar para poder manter ó seu pequerrecho, traballando duramente "pal negrito chiquitito".

No seguinte vídeo escoitaredes á Escolanía de Segovia dirixidos por David Azurza (quen realizou a harmonización)




jueves, 31 de octubre de 2013

Aviso para o 1 de Novembro


Recordade, pequecoristas, que mañá, venres 1 de Novembro non temos ensaio. Tod@s quedamos coas gañas de cantar e seguir descubrindo un petisco máis da nova obra. A próxima semana acudiremos ó ensaio aínda con máis enerxía.


Disfrutade do Samaín!


domingo, 13 de octubre de 2013

Tutira mai


Este ano comezamos os nosos ensaios cunha obra tradicional maorí harmonizada por Anthony Ritchie: este canto pasou de xeración en xeración entre os maoríes: unha etnia polinesia que vive en Nova Zelanda.

En Tutira mai cantamos:

Tutira mai nga iwi
Tatou tatou e
Whaia te maramatanga
Me te aroha e nga iwi
Kia ka tapatahi
Kia kotahi ra
Tatou tatou e

Estamos de pé en filas
Todos nós
Busca o coñecemento
e a fraternidade entre todas as persoas
Pensamos como un só
Actuamos como un só
Todos nós

É unha obra perfecta para xuntarnos de novo, todos nós, colocándonos nas nosas filas e acollendo as novas voces...a tódol@s nov@s pequecoristas. Somos un coro: pensamos coma un, actuamos coma un.

No seguinte vídeo veredes unha estupenda versión do Tutira mai:


TATOU TAOU E

TODOS NÓS

miércoles, 2 de octubre de 2013

Por fin o primeiro ensaio do curso!


Este venres voltamos ós nosos ensaios. Xa estaredes desexando xuntarvos tod@s @s pequecoristas para cantar. A pianista máis eu agardamos entusiasmadas este comezo.

 @s veteran@s chegarán á mesma hora de sempre (ás 19:00) e as novas voces ás 18:30 para coñecernos un pouco máis. Despois as novas voces probarán un ensaio con todo o coro. Xa veredes que experiencia tan bonita.

Ata venres, querid@s pequecoristas!

domingo, 7 de julio de 2013

O Peque Coro cantando a Rosalía en Bonaval


Hai un mes, O Peque Coro cantoulle a Rosalía xunto a 400 voces máis dos distintos conservatorios de Galicia. A choiva levounos da Quintana ata a igrexa de San Domingos de Bonaval: lugar emblemático por ser o espazo que acolle o Panteón dos Galegos Ilustres e o Museo do Pobo Galego.

Que mellor homenaxe a Rosalía que as voces de nen@s cantando os seus versos preto do lugar onde descansa eternamente. 

Foi un día fantástico no que nun pequeno concerto se recolleu o traballo de moitos ensaios. Un esforzo que mereceu a pena. Cando apareceu a oportunidade de participar neste proxecto, non dubidamos en que queríamos estar ahí co Peque Coro. Sabíamos que habería que renunciar a ensaiar repertorio seleccionado para este ano ( "Teño tres pitas brancas..." estará agardando para o vindeiro curso. Unha obra moi especial por motivos, dos que xa falaremos...)

Un concerto no que volvemos a compartir espazo cos nosos amigos do Coro Infantil de Lugo. Así nos seguintes vídeos, poderedes ver ós dous coros xuntos cantándolle a Rosalía, xunto ó resto de voces dos distintos conservatorios galegos.


Maio Longo



Rosa de Abril



En Cornes



Negra Sombra





Agardamos que se repita esta experiencia xuntando as voces brancas de toda Galicia.

jueves, 13 de junio de 2013

Novas para o 14 e 16 de Xuño

Traio no meu pico a última mensaxe para este curso:

" Mañá, venres 14 de Xuño, ensaiaremos de 18:00 a 19:30 para preparar o noso último concerto deste curso. Ás 19:30 as nais da ANPA entregaránnos a foto deste curso!. Tódalas nais e pais estades convidad@s a esta despedida!.

Lembrade que o domingo 16 ás 11:30 cantamos no teatro Jofre, nun concerto con tódalas agrupacións do noso conservatorio. @s pequecoristas deberán chegar ás 10:00 e vestidos de gala (roupas negras) para este último concerto.

Ata mañá, querid@s pequecoristas"

miércoles, 12 de junio de 2013

Foi noticia...

No Telediario 1 fixéronse eco do concerto No bico un cantar, onde nen@s dos conservatorios de toda Galicia cantaban a Rosalía. E alí estábamos nós!


jueves, 6 de junio de 2013

O Peque Coro cantará a Rosalía na Praza da Quintana


Meses atrás sumámonos ó proxecto "Nenos e Nenas cantan a Rosalía" organizado polo Consello da Cultura Galega e a Consellería de Educación. Para conmemorar o 150 aniversario da publicación de Cantares Gallegos de Rosalía de Castro mañá cantaremos na Praza da Quintana tódol@s nen@s dos conservatorios e escolas de música de Galicia.

Por iso, ó longo dos ensaios deste ano adicámonos a obras con textos rosalianos: "Rosa de Abril" de Andrés Gaos, "Negra Sombra" de Xoán Montes, "Maio longo" de Xosé Baldomir e "En Cornes" de Octavio Vázquez.

Pola mañá faremos unha visita guiada ó Museo da Cidade da Cultura. Despois, o ensaio xeral tódolos coros xuntos. Será todo un orfeón de nen@s!


Despois de merecido xantar...cara a Praza da Quintana, onde será ese concerto especial no que nos dirixirá Maximino Zumalave e tocará o quinteto de metais Hércules Brass.


Só fica agardar que a choiva nos deixe cantar neste lugar emblemático, para poder disfrutar deste momento!

lunes, 3 de junio de 2013

Recordando o concerto de Braga


Para o concerto de Braga, retomáramos nos ensaios con moita ilusión a Ronda do Soldadinho, de Jose Mário Branco


E unha divertida montaxe que nos realizou o noso equipo técnico de son e imaxen con fotografías dese concerto de clausura do proxecto no auditorio da Companhia da Música de Braga.



viernes, 31 de mayo de 2013

Maio Longo


Maio longo... maio longo,
todo cuberto de rosas,
para algúns telas de morte;
para outros telas de vodas.
Maio longo, maio longo,
fuches curto para min:
veu contigo a miña dicha,
volveu contigo a fuxir.

O longo mes de maio chega hoxe ó seu fin. E nós rematamos o mes de maio cun intenso ensaio adicado a obras todas elas con texto de Rosalía de Castro. Maio longo é un poema de Rosalía musicado por Xosé Baldomir: un músico coruñés (1867-1947) que se adicou tanto a composición como a dirección de coros e orquestras, investigación e crítica musical.

Na época en que Rosalía de Castro, Eduardo Pondal e Curros Enríquez rexurdían o noso idioma, un grupo de músicos acompañábanos na tarefa de dignificar a cultura galega. Xunto a Xosé Baldomir están Xoán Montes (autor da música de Negra Sombra) ou Pascual Veiga (autor da música do Himno Galego) ou Castro Chané. 

O Maio longo de Baldomir é para voz e piano, mais imos escoitar no seguinte vídeo a orquestración de Maio longo de Juan Durán:

martes, 28 de mayo de 2013

Negra Sombra


Cando penso que te fuches,
negra sombra que me asombras,
ó pé dos meus cabezales
tornas facéndome mofa.

Cando maxino que es ida,
no mesmo sol te me amostras,
i eres a estrela que brila,
i eres o vento que zoa.

Si cantan, es ti que cantas,
si choran, es ti que choras,
i es o marmurio do río
i es a noite i es a aurora.

En todo estás e ti es todo,
pra min i en min mesma moras,
nin me deixarás ti nunca,
sombra que sempre me asombras.

O compositor e director lucense Xoán Montes (1840-1899) compuxo a música a partir deste versos de Rosalía de Castro da súa obra Follas Novas. Pénsase que puido inspirarse nun alalá do Incio (un municipio de Lugo). Negra Sombra, que foi estreada no Gran Teatro da Habana no ano 1892, é unha obra emblemática do noso patrimonio cultural.


lunes, 27 de mayo de 2013

Parabéns, valentes pequecoristas!


Este sábado pasado pisamos un novo esceario ( o do auditorio de Cedeira) , para ofrecer un concerto xunto cos alumn@s da Escola de Música de Cedeira. Un concerto con estilos e agrupacións variadas.

Xa estamos acostumados a cantar no auditorio do noso conservatorio...tan acostumados que nun novo espazo nos podía despistar a nova sonoridade. Mais, estes pequecoristas valentes, axiña se acostuman as novidades e se enfrentaron con enerxía a un novo reto. 

Foi un concerto cun público moi entusiasta, e na que nos mimaron en tódolos detalles da organización. Grazas á Escola de Música!


Parabéns, valentes pequecoristas!

sábado, 25 de mayo de 2013

Novas para o 25 de Maio


Lembrade que esta tarde ás 17:00 vémonos no Conservatorio para viaxar a Cedeira, onde participaremos nun concerto xunto cos alumnos e alumnas da Escola de Música.

O concerto será no Auditorio ás 19:30.

Ata a tarde, querid@s pequecoristas

Vídeos dos "Cantos ó ceo, á terra, ó mar"


No ensaio de onte recordabamos o noso concerto cos amigos do Coro Infantil do conservatorio de Lugo. Adicade un intre a analizar nestes vídeos varios aspectos: a nosa interpretación (afinación, carácter, tempo...), a posta en escea e a nosa posición corporal, a capacidade de concentración, os nosos xestos...

Himno á Noite

Alborada

Rosa de Abril

O care, selve

Caresses sur l'océan

Mi capitán cos amig@s do Coro Infantil de Lugo


Foi un bo concerto, mais podemos mellorar algún aspecto, verdade?

domingo, 19 de mayo de 2013

Que din os rumorosos

Pascual Veiga
Eduardo Pondal

















Os Pinos é un poema de Eduardo Pondal que musicou Pascual Veiga. Coa colaboración deles, xunto ó esforzo da emigración galega, estreouse a comezos do século XX na Habana o que acabaría sendo o Himno Galego.

Velaí a intepretación que fan os rumorosos galegos, @s nen@s do século XXI:


Os bos e xenerosos
a nosa voz entenden
e con arroubo atenden
o noso ronco son,
mais sóo os iñorantes
e féridos e duros,
imbéciles e escuros
non nos entenden, non.

viernes, 17 de mayo de 2013

Letras Galegas 2013. Roberto Vidal Bolaño



No Día das Letras recordamos sempre a figura de Rosalía, por ser un 17 de Maio o día no que se publicou Cantares gallegos. Este ano aínda cobra máis forza xa que conmemoramos o 150 aniversario de dita publicación.

Por iso, recordando a Rosalía de Castro, cantamos este pasado mércores Rosa de Abril , con textos da nosa poetisa e música de Andrés Gaos.


Este ano 2013 o Día Letras Galegas está adicado a Roberto Vidal Bolaño. Queredes coñecer a este pioneiro do teatro profesional galego?. Pois non vos perdades este informativo do CPI dos Dices en Rois:


martes, 14 de mayo de 2013

Novas para o 15 de Maio


Recordade que mañá mércores 15 de Maio participamos no Recital das Letras Galegas. Para prepararnos, verémonos ás  19:00 na aula 23. Xa que clausuramos o recital coa interpretación do Himno Galego, entremos xa na aula coa mesma solemnidade.


lunes, 13 de mayo de 2013

Parabéns polos "Cantos da terra, do ceo, do mar"


Este pasado sábado recibimos a visita dos amigos do Coro Infantil de Lugo. Un coro que conta con tres anos; os mesmos que nós!. E co que nos gusta compartir escenario. 

Os nosos amigos visitantes abriron o concerto cun repertorio bonito e moi interesante, no que ademáis presentaban unha coidada posta en escea e vistosas coreografías.Noraboa ó coro, á súa directora (Henar) e ó seu pianista (Nacho), e ós alumn@s de acordeón que interpretaron moi ben Catro vellos mariñeiros.

Continuamos os anfitrións cos cantos á terra, o ceo, e ó mar...O Himno á Noite sempre cautiva. A Alborada é moi aplaudida polo público: o "lara lala" final con carácter de marcha arrinca a ovación. Rosa de Abril provocaría tenrura ó mesmo Gaos, ó escoitalo por un coro de nenos. O care selve: fantástico!. E o meu aplauso para os pequecoristas polo esforzo destes últimos ensaios polo Caresse sur l'océan. Noraboa, pequecoristas!

O momento máis divertido chegou cando nos xuntamos os dous coros para cantar Mi Capitán.  Para o próximo curso haberá que repetir este intercambio!

sábado, 11 de mayo de 2013

Recoméndoche...Il cirque d'amore no Teatro Jofre


Mañá podes pasar unha tarde musical coa Compañía Buttefly Ensemble que trae ó teatro Jofre Il cirque d'amore, con adaptacións para nen@s dunha selección de repetorio de ópera.

Para que poidades facervos unha idea, velaí un vídeo con momentos deste espectáculo:


Anímaste? Pois toma nota: mañá domino 12 de Maio ás 18:00 no teatro Jofre.

jueves, 9 de mayo de 2013

Concerto co Coro Infantil de Lugo


Este sábado agardamos a visita do Coro Infantil do conservatorio de Lugo para volver a compartir esceario, nesta ocasión con "Cantos do ceo, da terra, do mar". Unha vez máis disfrutaremos da experiencia de cantar xunto a outro coro de nen@s!.

martes, 7 de mayo de 2013

Caricias no océano

Nenos correndo pola praia (1908). Joaquín Sorolla
"Caresse sur l'océan" é unha obra de Bruno Coulais, que formaba parte da banda sonora da película Les Choristes, a película que tanto nos gusta. Así que comezamos a traballala nos nosos ensaios, coincidindo co esvaecemento do sopro do frío inverno. 

Unha caricia no océano
levan ó paxaro lixeiro
regresando das terras nevadas.
Aire efímero do inverno, 
lonxe, o teu eco esvaécese
Castelos de España.

Xira co vento, desprega as túas ás
na alba gris do levante.
Procura un camiño cara o arco da vella
Chegará a primavera.

Unha carica no océano
poñen ó paxaro tan docemente
sobre a pedra dunha illa mergullada.
O aire efímero do inverno,
por fin o teu sopro vaise,
lonxe, entre as montañas.

Xira co vento, desprega as túas ás
na alba gris do levante.
Procura un camiño cara o arco da vella
Chegará a primavera.


jueves, 25 de abril de 2013

Unha peque crónica da viaxe a Braga

Catedral de Braga
O Peque Coro viaxou á veciña Portugal. Xa cantáramos noutras terras, mais esta foi a nosa primeira viaxe de varios días. Para moitos, a primeira vez que durmen lonxe da súa familia, mais todos se coidan e se miman coma nunha gran familia.

Ademáis de ofrecer un fantástico concerto compartido cos nosos compañeiros do proxecto Leonardo, adicámonos a coñecer a cidade de Braga. 

A nosa primeira parada foi no xardín da Foz Velha, antes de encontrarnos cos compañeiros do proxecto no Porto para disfrutar dun cruceiro polo Douro. Quería unha foto nesta palco da música, tal e como temos no palco da música do Cantón de Ferrol. É moi difícil conseguir que todos se coloquen para unha foto! 
Palco da Música do Jardim da Foz Velha
Ese primeiro día foi moi intenso, cheo de inquedanzas e novidades que aínda nos alteraban máis. Á noitiña, algúns d@s pequecoristas marchaban ás casas dos seus amigos de Braga. Outros, para a pousada. Unhas horas de moito bulir...!

Na mañá da quinta-feira (o xoves) ensaiamos na Companhia da Música. Non recordo un ensaio tan marabilloso. Quizáis era froito da frescura da mañá máis o desexo de ofrecer un bo concerto. Ata nos podíamos permitir incorporar novidades na posta en escea.

Despois do xantar, visitamos o Museo Biscainhos, un pazo do século XVII que nos amosa elementos da vida cotiá da aristocracia.

Patio do Museu Biscainhos
Estabamos ben atentos ás explicacións do noso guía. 


Non queríamos perder detalle. 


Paseamos polos seus xardíns

Despois dun concerto magnífico, unha magnífica cea. Non sei se magnífica ou desmedida! Buf!

Na sexta-feira (venres), visitamos o Bom Jesus. Mágoa de non ter máis fotos de grupo...pero xa vos comentei o complicado que era xuntar a todo o coro. A gruta preto do igrexa do Bom Jesus engaiolábaos.

Gruta do Bom Jesus
Pola tarde, visitamos a Catedral e o Mosteiro de Tibaes, onde nos explicaron as distintas etapas da súa construcción. Ás veces, para algúns pequecoristas era complicado entender ó noso guía. Atenderon ós seus comentarios sobre o Manierismo, o Barroco, o Barroco Joanino...podíanse perder, mais o esforzo por entender, sempre deixa a semente para aprender.


E puidemos sentarnos no Coro.
Coro da Igreja de S Martinho de Tibaes
Despedímonos da Brácara Augusta. Levamos de volta a sensación reconfortante dun bo concerto, as sensacións ante o descubrimento de outras manifestacións artísticas, as sensacións de convivir cos nosos amigos.

Grazas a Paco e a Ermitas por acompañarnos nesta viaxe, por coordinar tódalas actividades, por informar ás familias durante a viaxe e por ofrecernos a posibilidade de vivir esta experiencia. En nome de tod@s @s pequecoristas: 

 Muito obrigado!


martes, 23 de abril de 2013

No Día do Libro


A lectora (1770) é unha obra do pintor francés do Rococó Jean-Honoré Fragonard que podemos contemplar mentres escoitamos o Trio en re maior de Georg Philipp Telemann (1681-1767), un compositor alemán do Barroco, contemporáneo de J.S.Bach e amigo de Haendel.



martes, 16 de abril de 2013

De Ferrol a Braga


Por fin nos achegamos ó día tan esperado! Mañá viaxamos a Bracara Augusta, como chamaban os romanos á cidade de Braga. Esta cidade do Norte de Portugal é a capital da provincia do Minho.

O xoves compartiremos esceario cos nosos compañeiros do Proxecto Leonardo, European Arts Confluence. Mais tamén teremos tempo a facer turismo pola cidade. Queredes ir descubrindo o que visitaremos?

Catedral
Bom Jesus



















A facer as maletas, pequecoristas!